O‘nqir yo‘lda zahmatlarda qolsam ham,
Sira karvonimdan uzilganim yo‘q.
Bu xayot karvonin bo‘sag‘asida,
Faqat o‘lmoq uchun tug‘ilganim yo‘q.
Yurtimning koriga, yararman bir kun,
Vaqt kelar yelkaga, olaman yukin.
Nomiga she’r bitay, uzundan-uzun.
Faqat o‘lmoq uchun tug‘ilganim yo‘q.
Neniki qilmayin sobit qadamman,
Men ham bir sizdayin oddiy odamman.
Kimgadir hayotman, butun olamman.
Faqat o‘lmoq uchun tug‘ilganim yo‘q.
Yomg‘irday to‘kilib, oyday to‘laman.
Kun kelib, tillarda doston bo‘laman.
Nomimni qoldirib, so‘ngra o‘laman.
Faqat o‘lmoq uchun tug‘ilganim yo‘q.