1.Agar men kamroq mehnat qilsam, baxtli bo‘lar edim.

Aqlimiz agar biz ishlamaganimizda baxtli bo‘lishimizni tasdiqlab, mazkur dalilga tayanadi. Biz o‘zimizga butunlay o‘yin-kulgudan iborat hayotni tasavvur qilamiz, bundan baxtli bo‘lishimiz mumkinligini o‘ylab aldanamiz. Biroq, aynan bekorchilik zerikish va ruhiy tushkunlikning asosiy sababi hisoblanadi. Biz baxtli bo‘lishimiz uchun vazifalarni hal qilishimiz va kamolotga erishishimiz kerak. Qalbingizni o‘zingiz uchun muhim narsaga safarbar eting va siz baxtingiz darajasi qanday ko‘tarilganini ko‘rasiz.

2.Bu men emasman, bu ular

Aqlimiz baxtsizligimizga boshqa odamlar, ya’ni tanishlar, turmush o‘rtog‘imiz, ota-onamiz sabab ekanligiga ishontirishga majbur etadi. Bog‘chada kichkinoy o‘yinchoqlarni sochgani kabi biz ham ayblovni chap va o‘ng tomonga tashlashga tayyormiz. Bu lahzada hayotimiz uchun mas’uliyatni o‘z zimmamizga olsak, bu haqiqiy baxt asosi sifatida xizmat qiladi.

3.Baxtli bo‘lish uchun baxt sirini kashf etishim kerak.

Sir shundaki, baxt yoki muvaffaqiyatning siri yo‘q. Kitoblar, mualliflar va o‘z aqlimiz bizni qanchalik ishontirishidan qat’iy nazar “oddiy insoniy baxt” eshigining hech qanday sirli kalitlari yo‘q. Siz o‘z kelajagingiz suratini yaratasiz, strategiyani shakllantirasiz va so‘ngra ularni ro‘yobga chiqarish ustida qat’iyat va tirishqoqlik keyin ishlaysiz.

4. Agar menda bo‘lganida edi…

Aqlimiz agar boshqa ish, uy, avtomobilimiz bo‘lganida biz baxtli bo‘lishimiz to‘g‘risida ishontirishga harakat qiladi. Yaxshi buyumlar va sharoit istagida yomon narsaning o‘zi yo‘q, lekin bu bizni avtomatik ravishda baxtli qilmaydi. Ular vaqtinchalik kayfiyatni ko‘tarishi mumkin, lekin u tezda o‘tib ketadi. Doimiy baxtni istagan har bir kishi istaklar bochkasi chuqur ekanligi va uni tepagacha to‘ldirib bo‘lmasligini anglab yetishi kerak.

5. Menda bor narsani sevaman, o‘zgarishlarni istamayman

Shunday tarzda o‘ylashga imkon bersak, biz barcha shart-sharoitlarni pastga qarab tushishiga sharoit yaratamiz. Hayot – doimiy o‘zgarishlarga sayohat demakdir. Qaysidir birlarini nazorat qilamiz, ayrimlarini esa yo‘q. O‘zgarishlarga qarshilik ko‘rsatish yoki barchasini o‘z nazoratimizga olishga urinish muvaffaqiyatsizlikka uchraydi. O‘zgarishlardan qochib bo‘lmaydi. Siz buni qabul qilib, uzluksiz o‘zgarishlar oqimida suzishni o‘rganishingiz kerak. Moslashish qobiliyati baxt uchun juda muhim.
6. Agar hozir bo‘lmasa, unda hyech qachon

Aqlimiz ko‘pincha tushkunlikka tushadi va baxtdan bir necha qadam narida umidsizlikka uchraydi. Qat’iyat baxtga erishish uchun juda muhim ahamiyatga ega. Ongingiz sizni aldashiga va mag‘lubiyatni qabul qilishiga izn bermang. Siz ertangi kun nima olib kelishini bilmaysiz. Faqat bir kuni orzuingizga erishish uchun zarur bo‘lgan barcha narsa bo‘lishi mumkin.
7. Men nima qilishni aniq bilganimdagina qaror qabul qilaman

Qancha ko‘p o‘ylasangiz, shuncha tez boshi berk ko‘chaga kirib qolasiz. Xavf-xatarlar tarozi pallasida tortish, imkoniyatlar tahlil qilish va rejalashtirilgan omillarni qabul qilish, lekin yechim va harakat bo‘lmaguncha hech narsa sodir bo‘lmaydi. Biz juda kamdan-kam holatda qarorni qabul qilish uchun yetarli ma’lumotga ega bo‘lmaymiz. Shubhalarni to‘xtating! Omadsizlik — dunyoning oxiri emas. Aqlingiz sizni dunyodagi hamma narsani umumiy tahlil qilish domiga tortib ketishiga yo‘l qo‘ymang.

8. Men nima qilish kerak emasligini bilaman, lekin…

Ongimiz zararli odatlarimiz natijalarini inkor qilgan holda bizni aldashga urinadi. Ayniqsa, u sog‘liqni saqlash masalalariga taalluqlidir. «Men chekish kerak emasligini bilaman, lekin u ozishimga yordam beradi», «Men bu narsani yeb bo‘lmasligini bilaman, lekin agar hayotdan zavq olmasam, yashashdan ne foyda?”. Sog‘liq bilan bog‘liq muammolar shak-shubhasiz, bu baxtning chaqiruvidir. Aqlingiz o‘z-o‘zini oqlash va salbiy tomonlaringizga ko‘ngilchanglik bilan qarash tuzog‘iga ilintirishiga yo‘l qo‘ymang.

9. Kimning omadi kulib boqsa, uning orzulari amalga oshadi.

Zehnimiz biz taqdir qo‘lida o‘yinchoq ekanligimiz haqida hikoyalar aytadi. Bunday hayotda yaxshi narsa sodir bo‘lmaydi, degan xulosaga olib keladi. Bizning aqlimiz boshqalarga omad kulib, ishi yurishib ketganiga baho berishi ko‘pincha ko‘rinmas uzoq muddatli va sinchkovlik asosidagi ishning natijasidir. O‘z maqsadingizga butun yuragingiz bilan ishoning va siz albatta taqdirlanasiz.

Manba:gooper.uz