So`nggi kunlarda barchaning tilida shov-shuv bo`layotgan Ahmadboy voqeasi unga ayrim san`atkorlar ham aloqador ekanligi haqida gap-so`zlarni keltirib chiqardi.

“Ahmadboy vasvasasi” deb nomlangan ko`rsatuv Milliy teleradiokompaniya efirlari orqali uzatilgach esa hatto o`sha ayrim san`atkorlarning nomlari ham tilga olindi.

Xonanda Munisa Rizayevaga ham bu borada murojaat qilishgan ko`rinadi, u o`zining “Instagram”  sahifasi orqali mazkur ma`lumotga izoh berdi:

“Bugun menga go`yoki qandaydir Ahmadboy degan odamga pul berganim haqida ma`lumotlar yetib keldi! Men bunday odam borligi haqida endi eshitib turibman! Men hech kimga hech qanaqa pul bermaganman, ayniqsa foizga, menga ikki baravar qilib berishlari uchun! Bu juda katta gunoh ekanligini bilaman! Ollohga shukr hamma narsam yetarli! Shu sababli bunday ko`zbo`yamachi insonlarga quloq tutmasligingizni so`rab qolaman!”