Erkak kishining qo’lidan har qanday ish kelishi kerak. Ba’zida shunday vaziyat bo’ladi-ki, zanglagan bolt yoki gaykani ochish kerak bo’ladi. Bu ko‘p kuch va vaqt talab qilishi mumkin. Xo‘sh, bunday vaziyatda nima qilsak, muammoni osongina hal etgan bo‘lamiz?

Avvalo, har ehtimolga qarshi xo‘jalik buyumlari yoki avtomobil ehtiyot qismlari do‘konidan zang ketkazishga mo‘ljallangan vositalarni sotib olib qo‘yishni tavsiya etamiz.

Agarda bunday vosita bo‘lmasa, yoki do‘konlardan uni izlab topolmasangizchi? Unda zanglagan bolt va gaykani yechish uchun quyidagi usulni qo’llab ko’ring:

Kerak bo'ladi:

• Latta,
• sirka (uksus),
• rezina qo’lqop

Avval oddiy lattani sirkaga obdon botiring. So‘ngra uni boltga yaxshilab o‘rab qo‘ying.

Oradan 20-30 daqiqa o‘tgach sirka kislotasi zanglarni yemirib tashlaganini ko‘rasiz.

Ish osongina hal bo‘lganidan keyin, bolt va gaykani suvda chayib tashlashni unutmang.

Sirka kislotasi teriga zarar yetkazishi mumkiniligi bois undan foydalanishda rezina qo‘lqoplardan foydalanishni unutmang.

Manba: Erkak.uz